ADVERTISEMENT
Kerala
ചങ്ങനാശേരി: മികവിന്റെ കലാലയമായ സെന്റ് ബര്ക്കുമാന്സ് കോളജ് 100 വര്ഷങ്ങള് പിന്നിടുമ്പോള് പാഠ്യവിഷയങ്ങള്ക്കൊപ്പംതന്നെ സ്പോര്ട്സ് ആൻഡഡ് ഗെയിംസിലും തലയെടുപ്പ്കാട്ടിയിട്ടുണ്ട്. നിരവധി സംസ്ഥാന-ദേശീയ-അന്തര്ദേശീയ താരങ്ങളെ സംഭാവന ചെയ്ത ഒരു കലാലയമാണിത്. ഫുട്ബോള്, ബാസ്കറ്റ്ബോള്, അത്ലറ്റിക്സ്, ഷട്ടില് ബാഡ്മിന്റൺ, ഹോക്കി തുടങ്ങിയ ഗെയിമുകളില് നിരവധി യൂണിവേഴ്സിറ്റി താരങ്ങളേയും സംസ്ഥാന-ദേശീയ താരങ്ങളേയും എസ്ബി കോളജ് സംഭാവന ചെയ്തിട്ടുണ്ട്.
ഇന്ത്യയ്ക്കുവേണ്ടി നിരവധി തവണ ഫുട്ബോള് ഗോള്വലയം കാത്ത കെ.ടി. ചാക്കോ എസ്ബിയുടെ താരമാണ്. ഈ ഫെബ്രുവരി എട്ടിന് അസാമില് സമാപിച്ച സന്തോഷ് ട്രോഫിയില് കേരളത്തിന്റെ ഗോള്കീപ്പിംഗ് കോച്ചായിരുന്നു കെ.ടി. ചാക്കോ. ഫുട്ബോളില് എസ്ബിയുടെ അഭിമാനംകാത്ത ഏക അന്തര്ദേശീയതാരവുമാണ് ചാക്കോ. അതോടൊപ്പം തന്നെ ബോസ്കറ്റ് ബോളില് അന്വിന് ആന്റണി, ജോസ് കുര്യന്, സുബാഷ് ജെ.ഷേണായി, ജോ ആന്റണി, ബേസില് ഫിലിപ്പ് തുടങ്ങിയവര് എസ്ബിയുടെ സംഭാവനകളാണ്.
മഹാത്മാഗാന്ധി യൂണിവേഴ്സിറ്റി പുരുഷ അത്ലറ്റിക്സ് ടീമിലെ മുഖ്യ അത്ലറ്റുകളും ബാസ്കറ്റ്ബോള് ടീമിലെ ഭൂരിപക്ഷഅംഗങ്ങളും എസ്ബി കോളജിലെ താരങ്ങളാണ്. ഇക്കഴിഞ്ഞ എംജി സര്വകലാശാലയുടെ അത്ലറ്റിക് ചാമ്പ്യന്ഷിപ്പില് 193 പോയിന്റുമായി എസ്ബി കോളജ് പുരുഷവിഭാഗം ജേതാവായി. 23 ഇനങ്ങളിലെ മത്സരങ്ങളില് 13 ഇനങ്ങളിലും എസ്ബിക്കായിരുന്നു. അരനൂറ്റാണ്ട് പിന്നിട്ട ഫാ.പി.സി.മാത്യു സ്മാരക ബാസ്ക്റ്റ്ബോള്, മോണ്.ഫ്രാന്സിസ് കാളാശേരി ഫുട്ബോള് ടൂര്ണമെന്റുകള് കേരളത്തില് പ്രശസ്തമാണ്.
എസ്ബി കോളജില് നിരവധി കായിക അടിസ്ഥാന സൗകര്യങ്ങൾ
അത്യാധുനിക സൗകര്യങ്ങളോടെ കൂടിയ മള്ട്ടിപര്പ്പസ് ഇന്ഡോര് സ്റ്റേഡിയം, ഔട്ട്ഡോര് ഫ്ളഡ്ലിറ്റ് കോര്ട്ട്, ഫുട്ബോള് ഗ്രൗണ്ട്, അത്ലറ്റിക്സ് ട്രാക്ക്, വോളിബോള് ഗ്രൗണ്ട്, കേരള ക്രിക്കറ്റ് അസോസിയേഷന്റെ സഹകരണത്തോടെ നിര്മ്മിച്ച പുതിയ പ്രാക്ടീസ് നെറ്റ്, മള്ട്ടി ജിംനേഷ്യം, 40 ലധികംതാരങ്ങളെ അക്കമഡേറ്റ് ചെയ്യാവുന്ന സ്പോര്ട്സ് ഹോസ്റ്റല്, ബാസ്ക്കറ്റ് ബോളിലും, അത്ലറ്റ്ക്സിലും സംസ്ഥാന സ്പോര്ട്സ് കൗണ്സിലിന്റെ സ്പോര്ട്സ് അക്കാദമി എന്നിക ഈ കോളജിലെ ആകര്ഷണങ്ങളാണ്. സ്പോര്ട്സ് കൗണ്സില് കോച്ചുമാരായ എ.ആര്.സൂരജുംകെ.വിപിനുമാണ് പരിശീലകര്.
മിഥുന് മുരളി അത്ലറ്റിക്സിലും അഖില് കെ ശശി, ക്രിസ്ത്യന് വില്സണ്, അമല് ലക്ഷ്മണ് എന്നിവര് ഫുട്ബോളിലും പരിശീലകരാണ്. മുന് കായികമേധാവി പ്രഫ.ജോസഫ് ജോസഫ് അത്തിക്കളത്തിന്റെ മകന് ലഫ്റ്റനന്റ് സോജി ജോസഫാണ് ഇപ്പോള് കായിക വിഭാഗം മേധാവി.
District News
ചങ്ങനാശേരി: ക്രിക്കറ്റ് രംഗത്ത് മാറ്റുരയ്ക്കാന് ചങ്ങനാശേരി സെന്റ് ബര്ക്കുമാന്സ് കോളജില് ക്രിക്കറ്റ് അക്കാദമി തുറക്കുന്നു. കോട്ടയം ജില്ല ക്രിക്കറ്റ് അസോസിയേഷന്റെ (കെഡിസിഎ) സഹകരണത്തോടെ കോളജ് കാമ്പസില് പുതുതായി നിര്മിച്ച ക്രിക്കറ്റ് പ്രാക്ടീസ് നെറ്റുകളുടെയും 16 വയസില് താഴെയുള്ള കുട്ടികള്ക്കായുള്ള ഡേ സ്കോളര് ക്രിക്കറ്റ് അക്കാദമിയുടെയും ഉദ്ഘാടനം ഇന്നു നടക്കും.
പുതിയ ക്രിക്കറ്റ് അക്കാദമിയുടെ ഭാഗമായി രണ്ട് കോണ്ക്രീറ്റ് നെറ്റുകളാണ് പരിശീലനത്തിനായി സജ്ജമാക്കിയിരിക്കുന്നത്. കായിക പ്രതിഭകള്ക്ക് മികച്ച പരിശീലനം നല്കുക എന്ന ലക്ഷ്യത്തോടെയാണ് പദ്ധതി വിഭാവനം ചെയ്തിരിക്കുന്നത്.
ഇന്ന് ഉച്ചകഴിഞ്ഞ് 2.30ന് കോളജ് മൈതാനത്ത് നടക്കുന്ന ചടങ്ങില് കേരള ക്രിക്കറ്റ് അസോസിയേഷന് സെക്രട്ടറി വിനോദ് എസ്. കുമാര് ഉദ്ഘാടനം നിര്വഹിക്കും. കേരള ക്രിക്കറ്റ് അസോസിയേഷന് പ്രസിഡന്റ് അഡ്വ. ശ്രീജിത്ത് വി. നായര് മുഖ്യാതിഥിയായിരിക്കും. ചടങ്ങില് കോളജ് മാനേജര് മോണ്. ആന്റണി എത്തയ്ക്കാട്, പ്രിന്സിപ്പല് റവ. ഡോ. ടെഡി സി. കാഞ്ഞൂപ്പറമ്പില് തുടങ്ങിയവര് പ്രസംഗിക്കും.
Kerala
കോട്ടയം: ചങ്ങനാശേരി സെന്റ് ബെര്ക്കുമന്സ് കോളജിന്റെ ശതാബ്ദി ആഘോഷങ്ങളുടെ സമാപനസമ്മേളനം 28നു നടക്കും. ഉച്ചകഴിഞ്ഞ് 3.30ന് കോളജിലെ ആര്ച്ച്ബിഷപ് കാവുകാട്ട് ഹാളില് നടക്കുന്ന ചടങ്ങില് ഉപരാഷ്ട്രപതി സി.പി. രാധാകൃഷ്ണന് മുഖ്യാതിഥിയായിരിക്കും. 2022ല് കോളജ് നൂറു വര്ഷം പൂര്ത്തിയാക്കിയെങ്കിലും കോവിഡ് നിയന്ത്രണങ്ങള് മൂലം മാറ്റിവച്ച ഔദ്യോഗിക സമാപന ചടങ്ങുകളാണ് വിപുലമായ പരിപാടികളോടെ നടത്തുന്നത്.
പാറേല്പ്പള്ളിക്കുസമീപം 1922ല് പ്രവര്ത്തനം ആരംഭിച്ച് 1925ല് നിലവിലെ കാമ്പസിലേക്ക് കോളജ് മാറ്റിസ്ഥാപിച്ചതിന്റെ നൂറാം വാര്ഷികം കൂടിയാണിത്. ചരിത്രമുഹൂര്ത്തം ആഘോഷമാക്കാന് വിപുലമായ പരിപാടികളാണ് സംഘടിപ്പിച്ചിരിക്കുന്നത്. ഉപരാഷ്ട്രപതി സി.പി. രാധാകൃഷ്ണനെ കോളജ് രക്ഷാധികാരിയായ ചങ്ങനാശേരി ആര്ച്ച്ബിഷപ് മാര് തോമസ് തറയിലിന്റെ നേതൃത്വത്തില് കോളജ് കവാടത്തില് സ്വീകരിക്കും. തുടര്ന്ന് കാവുകാട്ട് ഹാളില് കോളജ് ശതാബ്ദി സമാപന സമ്മേളനം നടക്കും.
ആര്ച്ച്ബിഷപ് മാര് തോമസ് തറയില് സ്വാഗതം ആശംസിക്കും. കേരള ഗവര്ണര് രാജേന്ദ്ര വിശ്വനാഥ് അര്ലേക്കര്, മന്ത്രി വി.എന്. വാസവന്, കൊടിക്കുന്നില് സുരേഷ് എംപി എന്നിവര് പ്രസംഗിക്കും. തുടര്ന്ന് ശതാബ്ദി സ്മാരകമായി കോളജില് സ്ഥാപിതമാകുന്ന അത്യന്താധുനിക സംവിധാനങ്ങളുള്ള ഗവേഷണ കേന്ദ്രം ഡോ. കെ.എം. ഏബ്രഹാം സെന്റർ ഫോര് എനര്ജി ആന്ഡ് എണ്വയോണ്മെന്റിന്റെ ഉദ്ഘാടനം ഉപരാഷ്ട്രപതി നിര്വഹിക്കും.
കോളജ് മാനേജര് ഫാ. ആന്റണി ഏത്തയ്ക്കാട്, പ്രിന്സിപ്പല് റവ.ഡോ. റ്റെഡി കാഞ്ഞുപ്പറമ്പില്, ഡോ. സിബി ജോസഫ്, ഡോ. ബിന്ദു മാത്യു ജോബ് എന്നിവര് നേതൃത്വം നല്കും. ശതാബ്ദിയോടനുബന്ധിച്ച് വിവിധ വകുപ്പുകള് സെമിനാറുകള് സംഘടിപ്പിച്ചു.
ഭാഷാശാസ്ത്രജ്ഞനായ നോം ചോംസ്കി, നോബേല് ജേതാക്കളായ മാര്ട്ടിന് കാഫ്, ആന്റണി ജയിംസ് ലെഗറ്റ്, റിച്ചാര്ഡ് ജെ. റോബര്ട്ട്സ് എന്നിവര് വിവിധ സെമിനാറുകളില് പേപ്പറുകള് അവതരിപ്പിച്ചതായും റവ.ഡോ. ജോസ് ജേക്കബ് മുല്ലശേരി, ഡോ. നെവില് തോമസ്, ബിന്സ് എം. മാത്യു എന്നിവര് അറിയിച്ചു.
District News
ചങ്ങനാശേരി: ചങ്ങനാശേരി എസ്ബി കോളജിന്റെ ശതാബ്ദി സമാപനം 28ന് നടക്കും. ഉപരാഷ്ട്രപതി സി.പി.രാധാകൃഷ്ണന് മുഖ്യാതിഥിയായിരിക്കും. 28ന് ഉച്ചകഴിഞ്ഞ് 3.30ന് കോളജിലെ കാവുകാട്ട് ഹാള് ശതാബ്ദി സമ്മേളന സമാപനത്തിനു വേദിയാകും. ശതാബ്ദി സമാപനം ആഘോഷമാക്കാന് കോളജ് മാനേജ്മെന്റ് വിപുലമായ ഒരുക്കങ്ങളാണ് നടത്തിവരുന്നത്. ഉപരാഷ്ട്രപതിക്ക് സ്വാഗതമരുളുന്ന ബോര്ഡുകള് കോളജ് കാമ്പസില് സ്ഥാപിച്ചുകഴിഞ്ഞു.
1922 ജൂണ് 22ന് പ്രവര്ത്തനംതുടങ്ങിയ കലാലയത്തിന്റെ ശതാബ്ദി ആഘോഷങ്ങള് 2021 ജൂണ് 19നാണ് തുടക്കംകുറിച്ചത്. 125 വിദ്യാര്ഥികളും ആറ് അധ്യാപകരുമായി വിദ്യാഭ്യാസ പ്രവര്ത്തനങ്ങള്ക്ക് തുടക്കംകുറിച്ച കലാലയം ഇന്ന് കേരളത്തിലെ മികച്ച ഓട്ടോണമസ് കോളജാണ്. 1922ല് മദ്രാസ് സര്വകലാശാലയുമായും 1938ല് ട്രാവൻകൂര് സര്വകലാശാലയുമായും 1967ല് കേരള സര്വകലാശാലയുമായും അഫിലിയേറ്റ് ചെയ്യപ്പെട്ടു പ്രവര്ത്തിച്ച എസ്ബി കോളജ് എംജി സര്വകലാശാല രൂപീകരിക്കപ്പെട്ടതുമുതല് ഈ സര്വകലാശാലയുടെ കീഴിലാണ്. 2014ല് ഓട്ടോണമസ് പദവിയിലെത്തി.
2024-25വര്ഷം ദേശീയ വിദ്യാഭ്യാസ പദ്ധതി പ്രകാരം എഫ്ഐയുജിപിക്കു (നാലുവര്ഷ യുജി പ്രോഗ്രാം) തുടക്കമിട്ടു. പുരുഷ കലാലയമെന്നറിയപ്പെട്ടിരുന്ന ഈ കലാലയത്തിലേക്ക് അതേവര്ഷംമുതല് ഡിഗ്രി ക്ലാസുകളിലേക്ക് പെണ്കുട്ടികളും എത്തിച്ചേര്ന്നു. കലാലയങ്ങളില് വിദ്യാര്ഥികളുടെ എണ്ണം കുറയുന്നെന്ന ആശങ്ക ഉയരുന്ന ഈ കാലഘട്ടത്തിലും സെന്റ് ബര്ക്കുമാന്സ് കോളജിന്റെ ക്ലാസ് മുറികളിലും കാമ്പസിലും വിദ്യാര്ഥികള് ഏറെ ആഹ്ലാദത്തോടെ എത്തുന്നു.
കോവിഡ്കാലമായതിനാല് കേവലം അമ്പതു പേരെ മാത്രം ഉള്ക്കൊള്ളിച്ചാണ് 2021 ജൂണ് 19ന് ശതാബ്ദിക്കു തുടക്കമിട്ടത്. ഇന്ഡോര് സ്റ്റേറിയത്തില് ചേര്ന്ന ചടങ്ങില് ഉന്നതവിദ്യാഭ്യാസ മന്ത്രി ഡോ.ആര്. ബിന്ദുവാണ് ശതാബ്ദി ദീപം തെളിയിച്ചത്.
തുടര്ന്ന് ഒന്നരലക്ഷത്തോളം ആളുകളെ ആകര്ഷിച്ച സംവിത് എക്സിബിഷന്, അന്താരാഷ്ട്ര പ്രശസ്തരായ പ്രഭാഷകരെ പങ്കെടുപ്പിച്ച് നടത്തിയ പ്രഭാഷണ പരമ്പര, പൂര്വവിദ്യാര്ഥി മഹാസംഗമം തുടങ്ങിയ നിരവധി പരിപാടികള് സംഘടിപ്പിക്കപ്പെട്ടു. സംസ്ഥാന സര്ക്കാരിന്റെ കിര്ഫ് റാങ്കിംഗില് അഞ്ചാംസ്ഥാനത്തും ദേശീയ റാങ്കിംഗില് 56-ാംസ്ഥാനത്തും നിലകൊള്ളുന്ന എസ്ബി കോളജ് കേരളക്കരയുടെ അഭിമാനകലാലയമാണ്.
Kerala
ചങ്ങനാശേരി: എസ്ബി കോളജ് പൂര്വവിദ്യാര്ഥി സമ്മേളനം 26ന് വൈകുന്നേരം 5.30ന് കോളജ് അങ്കണത്തില് നടക്കും. ആര്ട്സ് ബ്ലോക്ക് ശതാബ്ദിയോടനുബന്ധിച്ച് ബ്ലോക്കിന് മുന്വശം സജ്ജീകരിക്കുന്ന പ്രത്യേക വേദിയിലാണ് ഇത്തവണത്തെ സമ്മേളനം.
മലങ്കര കത്തോലിക്കാസഭ മേജര് ആര്ച്ച്ബിഷപ് കര്ദിനാള് മാര് ബസേലിയോസ് ക്ലീമിസ് കാതോലിക്കാബാവ സമ്മേളനം ഉദ്ഘാടനം ചെയ്യും.
ആര്ച്ച്ബിഷപ് മാര് തോമസ് തറയില് അനുഗ്രഹ പ്രഭാഷണം നടത്തും.
അലുമ്നി അസോസിയേഷന് പ്രസിഡന്റ് ഡോ. എന്.എം. മാത്യു അധ്യക്ഷത വഹിക്കും. അജീവനാന്ത സംഭാവനകള് പരിഗണിച്ച് പൂര്വ വിദ്യാര്ഥികളായ മുന് മന്ത്രി പി.ജെ. ജോസഫ് എംഎല്എ, ചലച്ചിത്ര നടനും നിര്മാതാവുമായ പ്രേം പ്രകാശ് എന്നിവരെ ആദരിക്കും.
1976ല് പഠനം പൂര്ത്തിയാക്കിയ ഗോള്ഡന് ജൂബിലി ബാച്ചിനെയും 2001ല് പഠനം പൂര്ത്തിയാക്കിയ സില്വര് ജൂബിലി ബാച്ചിനെയും സമ്മേളനത്തില് പ്രത്യേകമായി ആദരിക്കും. ഈ വര്ഷം വിരമിക്കുന്ന അധ്യാപക-അനധ്യാപകരെ കോളജ് മാനേജരും അതിരൂപത മുഖ്യ വികാരി ജനറാളുമായ മോണ്. ആന്റണി എത്തയ്ക്കാട്ട് ആദരിക്കും.
പ്രിന്സിപ്പല് റവ. ഡോ. ടെഡി കാഞ്ഞൂപ്പറമ്പില് മികവു തെളിയിച്ച വിദ്യാര്ഥികള്ക്ക് വിവിധ സ്കോളര്ഷിപ്പുകള് സമ്മാനിക്കും.
District News
ചങ്ങനാശേരി: സെന്റ് ബര്ക്കുമാന്സ് കോളജില് റിസര്ച്ച് ആന്ഡ് ഡെവലപ്മെന്റ് സെല്ലും ഐക്യൂഎസിയും ഡീന്സ് കൗണ്സിലും ചേര്ന്ന് സംഘടിപ്പിക്കുന്ന അന്തര്ദേശീയ കോണ്ഫറന്സ് "കോണ്ഫ്ളുവന്സ്-2026', 13, 14 തീയതികളില് നടക്കും. സുസ്ഥിരഭാവിക്കായി മനുഷ്യബന്ധങ്ങളെ കണ്ടെടുക്കുക എന്ന സന്ദേശവുമായി നടക്കുന്ന സെമിനാര് ഗവേഷണമേഖലയില് അന്തര്വൈജ്ഞാനികമായ സഹവര്ത്തിത്വം ഉറപ്പാക്കാനാണ് ലക്ഷ്യമിടുന്നത്.
സുസ്ഥിരവികസനം എന്ന ലക്ഷ്യത്തിലേക്ക് എത്തിച്ചേരാന് ശാസ്ത്രീയവും മാനവികവുമായ വീക്ഷണങ്ങളെ ഉപജീവിച്ചുള്ള ചര്ച്ചകള്ക്ക് വേദിയാകുന്ന ഈ കോണ്ഫറന്സില് ഭാരതത്തിനുള്ളിലും പുറത്തുനിന്നുമുള്ള വിഷയവിദഗ്ധരുടെയും ഗവേഷകരുടെയും സജീവപങ്കാളിത്തം ഉറപ്പാക്കും.
13ന് രാവിലെ പത്തിന് ആര്ച്ച്ബിഷപ് മാര് തോമസ് തറയില് ഉദ്ഘാടനം ചെയ്യും. സമ്മേളനത്തില് തിരുവനന്തപുരം ഐഐഎസ്ടിയുടെ പ്രോ-വൈസ് ചാന്സലര് ഡോ. കുരുവിള ജോസഫ് മുഖ്യപ്രഭാഷണം നടത്തും. യുഎസ്എ ഫ്ളോറിഡ സ്റ്റേറ്റ് യൂണിവേഴ്സിറ്റി പ്രഫസര് ഡോ. ഇഗോര് വി. അലബുഗിന് പ്രത്യേക പ്രഭാഷണം നിര്വഹിക്കും.
രണ്ടുദിവസങ്ങളില് നാലുവേദികളിലായി നടത്തുന്ന കോണ്ഫറന്സില് ഫ്ളോറിഡ അറ്റ് ലാന്റിക് യൂണിവേഴ്സിറ്റി പ്രഫസര് ഡോ. റിച്ചാര്ഡ് ഷസ്റ്റര്മെന്, സ്പെയിന് യൂണിവേഴ്സിറ്റി ഓഫ് നവാര പ്രഫസര് ഡോ. മരിയാനോ ഇറ്റൂര്ബെ എന്നിവര് പ്രഭാഷണങ്ങള് നടത്തും. അതോടൊപ്പം പതിമൂന്ന് വിഷയവിദഗ്ധരുടെ പ്രഭാഷണങ്ങളും 45 ഗവേഷകരുടെ പ്രബന്ധാവതരണങ്ങളും ഉണ്ടാകും.
14ന് വൈകുന്നേരം നടക്കുന്ന സമാപന സമ്മേളനത്തില് എസ്ബി കോളജ് മാനേജര് മോണ്. ആന്റണി എത്തയ്ക്കാട്ട് സന്ദേശം നല്കും. സര്ട്ടിഫിക്കറ്റ് വിതരണവും അദ്ദേഹം നിര്വഹിക്കും.
പത്രസമ്മേളനത്തില് കോളജ് പ്രിന്സിപ്പല് റവ.ഡോ. ടെഡി സി. കാഞ്ഞൂപ്പറമ്പില്, വൈസ് പ്രിന്സിപ്പല് റവ.ഡോ. ജോസ് ജേക്കബ്, റിസര്ച്ച് ആന്ഡ് ഡെവലപ്മെന്റ് ഡീന് ഡോ. ജോ പ്രസാദ് മാത്യു എന്നിവര് പരിപാടികള് വിശദീകരിച്ച
NRI
ദുബായി: യുഎഇയിലെ ആദ്യകാല അലുംനികളിലൊന്നായ ചങ്ങനാശേരി എസ്ബി കോളജ് അലുംനിക്കൊപ്പം ചങ്ങനാശേരി അസംപ്ഷൻ കോളജിലെ പൂർവവിദ്യാർഥികളെ കൂടി ഉൾപ്പെടുത്തി എസ്ബി - അസംപ്ഷൻ സംയുക്ത അലുംനി യുഎഇ ചാപ്റ്റർ രൂപവത്കരിച്ചു.
ചങ്ങനാശേരി എസ്ബി കോളജിലെ പൂർവ വിദ്യാർഥിയും ചങ്ങനാശേരി അതിരൂപത ആർച്ച്ബിഷപ്പുമായ മാർ തോമസ് തറയിൽ ഉദ്ഘാടനം ചെയ്തു. എസ്ബി - അസംപ്ഷൻ സംയുക്ത അലുംനി യുഎഇ ചാപ്റ്റർ പ്രസിഡന്റ് ബെൻസി വർഗീസ് അധ്യക്ഷത വഹിച്ചു.
അലുംനി ലോഗോ ആർച്ച്ബിഷപ് മാർ തോമസ് തറയിൽ, ഉപദേഷ്ടാക്കളായ ജോ കാവാലം, ബിജു ഡൊമിനിക് എന്നിവർ ചേർന്ന് പ്രകാശനം ചെയ്തു. ഫാ. റ്റെജി പുത്തൻവീട്ടിൽകളം ഭാരവാഹി പ്രഖ്യാപനം നടത്തി.
എസ്ബി കോളജ് മുൻ പ്രിൻസിപ്പാൾ ഫാ.ഡോ. ടോം കുന്നുംപുറം, ഫാ. ജിജോ മാറാട്ടുകളം, എസ്ബി കോളജ് പൂർവവിദ്യാർഥിയും കേരളത്തിലെ മുൻ ഡിജിപിയുമായ ടോമിൻ ജെ. തച്ചങ്കരി, അക്കാഫ് അസോസിയേഷൻ ജനറൽ സെക്രട്ടറി ഷൈൻ ചന്ദ്രസേനൻ എന്നിവർ പ്രസംഗിച്ചു. മാർ തോമസ് തറയിലിനെ ട്രഷറർ ജോസഫ് കളത്തിൽ പൊന്നാട അണിയിച്ച് ആദരിച്ചു.
അലുംനി ഭാരവാഹികളെയും എക്സിക്യൂട്ടീവ് അംഗങ്ങളെയും മാർ തോമസ് തറയിൽ പൂക്കൾ നൽകി അനുമോദിച്ചു. ആദ്യകാല ഭാരവാഹികളെ ആർച്ച്ബിഷപ് ആദരിച്ചു. സജിത്ത് ഗോപി, ബെറ്റി ജെയിംസ് എന്നിവർ ചേർന്ന് മാർ തോമസ് തറയിലിന് ഉപഹാരം നൽകി.
വൈസ് പ്രസിഡന്റ് മഞ്ജു തോമസ് സ്വാഗതവും ജനറൽ സെക്രട്ടറി മാത്യു ജോൺസ് മാമൂട്ടിൽ നന്ദിയും പറഞ്ഞു. ജൂലി പോൾ അവതാരകയായിരുന്നു. അംഗങ്ങളുമായി നടത്തിയ ആശയ വിനിമയത്തിന് ഗീതി സെബിൻ നേതൃത്വം നൽകി.
സെക്രട്ടറി ലിജി മോൾ ബിനു, ജോ. സെക്രട്ടറി ബെറ്റി ജെയിംസ് എന്നിവരും എക്സിക്യൂട്ടീവ് കമ്മിറ്റി അംഗങ്ങളും പരിപാടിക്ക് നേതൃത്വം നൽകി.
District News
ചങ്ങനാശേരി: എസ്ബി കോളജ് നാഷണല് സര്വീസ് സ്കീമിന്റെ ആഭിമുഖ്യത്തില് മൂന്നാമത്തെ രക്തദാന ക്യാമ്പ് "നിത്യധാര’സംഘടിപ്പിച്ചു.പ്രിന്സിപ്പല് റവ.ഡോ. റ്റെഡി കാഞ്ഞൂപ്പറമ്പില് ഉദ്ഘാടനം ചെയ്തു.
വൈസ് പ്രിന്സിപ്പല് ജോമോന് കെ.വി., എന്എസ്എസ് പ്രോഗ്രാം ഓഫീസര്മാരായ ഡോ. ബെന്നി തോമസ്, ഡോ. ബെന്സണ് ജോസഫ്, എച്ച്ഡിഎഫ്സി ബാങ്ക് ഓഫീസര് ശ്രീമോഹന് എന്നിവരുൾപ്പെടെ 108 പേര് ക്യാമ്പില് രക്തം ദാനം ചെയ്തു.
48 പുതിയ ദാതാക്കളെ കണ്ടെത്തിയ ഈ ക്യാമ്പിന് കോട്ടയം മെഡിക്കല് കോളജിലെ ഡോ. രോഹിത് പാലങ്ങാടന്, ഡോ. മിലി എസ്., കോ-ഓര്ഡിനേറ്റര് അനൂപ് തുടങ്ങിയവര് നേതൃത്വം നടത്തി.
NRI
ദുബായി: യുഎഇയിലെ ആദ്യകാല അലുംമ്നികളിലൊന്നായ എസ്ബി കോളേജ് അലുംമ്നിക്കൊപ്പം
അസംപ്ഷൻ കോളജ് പൂർവ വിദ്യാർഥികളെ കൂട്ടിച്ചേർത്ത് എസ്ബി - അസംപ്ഷൻ സംയുക്ത അലുംമ്നി രൂപവത്കരിക്കുന്നു.
ഡിസംബർ രണ്ടിന് ഉച്ചകഴിഞ്ഞ് മൂന്നിന് അജ്മാനിൽ നടക്കുന്ന അംഗങ്ങളുടെ പൊതുയോഗത്തിൽ എസ്ബി കോളജ് പൂർവവിദ്യാർഥിയും ചങ്ങനാശേരി അതിരൂപത ആർച്ച്ബിഷപ്പുമായമാർ തോമസ് തറയിൽ എസ്ബി - അസംപ്ഷൻ സംയുക്ത അലുംമ്നി 2. 0 രൂപവത്കരണ പ്രഖ്യാപനം നടത്തും.
അലുംമ്നി ലോഗോ ആർച്ച്ബിഷപ്പ് പ്രകാശനം ചെയ്യും. പ്രസിഡന്റ് ബെൻസി വർഗീസ് അധ്യക്ഷത വഹിക്കും. ഫാ. റ്റെജി പുത്തൻവീട്ടിൽകളം ഭാരവാഹി പ്രഖ്യാപനം നടത്തും.
എസ്ബി കോളജ് മുൻ പ്രിൻസിപ്പാൾ ഫാ.ഡോ. ടോം കുന്നുംപുറം, അക്കാഫ് അസോസിയേഷൻ ജനറൽ സെക്രട്ടറി ഷൈൻ ചന്ദ്രസേനൻ എന്നിവർ പ്രസംഗിക്കും. 1986ലാണ് യുഎഇയിൽ എസ്ബി കോളേജ് അലുംമ്നി രൂപവത്കരിച്ചത്.
അടുത്ത ഒരു വർഷത്തേക്കുള്ള ഭാരവാഹികളായി പ്രസിഡന്റ്: ബെൻസി വർഗീസ്, ജനറൽ സെക്രട്ടറി: മാത്യു ജോൺസ് മാമ്മൂട്ടിൽ, ട്രഷറർ: ജോസഫ് കളത്തിൽ, വൈസ് പ്രസിഡന്റുമാർ: സജിത്ത് ഗോപി, മഞ്ജു തോംസൺ പൗവത്തിൽ, സെക്രട്ടറി: ലിജി മോൾ ബിനു, ജോയിന്റ് സെക്രട്ടറിമാർ: ബെറ്റി ജെയിംസ്, ഡോ. ഷീബ ജോജോ എന്നിവരെ തെരഞ്ഞെടുത്തു.
ജോർജ് മീനത്തേക്കോണിൽ, ഗീതി സെബിൻ, ജൂലി പോൾ,തോമസ് ജോർജ് കറുകയിൽ, നിറ്റിൽ കോയിപ്പള്ളി, റോയ് റാഫേൽ, മഡോണ ജെയിംസ്, ലിജി ബിജു, ബിജു ഡൊമിനിക്, ജോ കാവാലം എന്നിവരാണ് എക്സിക്യൂട്ടീവ് കമ്മിറ്റി അംഗങ്ങൾ.
എസ്ബി - അസംപ്ഷൻ സംയുക്ത അലുംമ്നിയിൽ അംഗമാകാൻ ആഗ്രഹിക്കുന്ന യുഎഇയിലുള്ള പൂർവ വിദ്യാർഥികൾ മാത്യു ജോൺസ് മാമ്മൂട്ടിൽ (+971 55 282 9389), മഞ്ജു തോംസൺ പൗവത്തിൽ (+971 50 549 2187) എന്നിവരുമായി ബന്ധപ്പെടുക.
District News
ചങ്ങനാശേരി: എന്എച്ച്-183 (എംസി റോഡ്)ല് എസ്ബി കോളജ് ജംഗ്ഷനില് ആരംഭിച്ച് അസംപ്ഷന് കോളജ് ജംഗ്ഷനില് എത്തുന്ന റോഡ് തകര്ന്നു സഞ്ചാരം ദുരിതമായിട്ട് വര്ഷങ്ങള് പിന്നിടുന്നു.
തകര്ന്നുകിടക്കുന്ന ഈ റോഡിലൂടെ വാഹനസഞ്ചാരവും കാല്നടപ്പും ദുഷ്കരമാണ്. രണ്ട് കോളജുകളിലേക്കും വിവിധ ഹോസ്റ്റലുകളിലേക്കും വിവിധ കോണ്വന്റുകള്, ചാസ്, എകെഎം സ്കൂള് തുടങ്ങിയ സ്ഥാപനങ്ങളിലേക്കും ആയിരക്കണക്കിന് വിദ്യാര്ഥികള് ഉള്പ്പെടെ സഞ്ചരിക്കുന്ന പ്രധാന റോഡാണിത്.
ഈ റോഡ് അടിയന്തരമായി അറ്റകുറ്റപ്പണികള് നടത്തി സഞ്ചാരയോഗ്യമാക്കാന് മുന്സിപ്പല് അധികൃതര് തയാറാകണമെന്ന് കത്തീഡ്രല് കത്തോലിക്ക കോണ്ഗ്രസ് യോഗം ആവശ്യപ്പെട്ടു. എസ്ബി, അസംപ്ഷന് കോളജുകളുടെ സഹകരണത്തോടെ പ്രതിഷേധ പരിപാടികള് സംഘടിപ്പിക്കാനും യോഗം തീരുമാനിച്ചു.
പ്രസിഡന്റ് ടോമിച്ചന് അയ്യരുകുളങ്ങര അധ്യക്ഷത വഹിച്ചു. അതിരൂപത സെക്രട്ടറി സൈബി അക്കര ഉദ്ഘാടനം നിര്വഹിച്ചു. ഡയറക്ടര് ഫാ. ഷെറിന് കുറശേരി, ഫൊറോന പ്രസിഡന്റ് കുഞ്ഞുമോന് തൂമ്പുങ്കല്, ജോസി കല്ലുകളം, എ.ജെ. ജോസഫ്, ജോയിച്ചന് പീലിയാനിക്കല്, ബിജു കൊച്ചുപറമ്പില്, ദീപ കടന്തോട്, ജിനു സോജി തുടങ്ങിയവര് പ്രസംഗിച്ചു.
ADVERTISEMENT
ADVERTISEMENT
SPACE FOR ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN